Item 1: Gree, all eazee meanings

You mite be lissen: “gree e eazee.”

Yumpla tinkbout waneh dah message e spik nor helpeh we. Peepol nor silly, eneh relationships e nuddah-kine dipprent. Sex e alwayz look dipprent.

E nor mean por spik gree e hard, e road por larn. E can be allkine sumting, eneh passiz por larn more, demkine-now why e makem nadakine precious sumting.

Whether you kasa fling, prapa like, or sah pass-time you peeleh nadakine nice private peelings, you muss sabeh waneh consent e mean. E nor prom yumpla wandeh dozeh nor-good sumting, e coz when yumpla lau nada marn or orman por tusseh you, gree nadakine important por peeleh prapa closteoon peeling, relaxing eneh nadakine lubleh peeling.

Wiskine dah way you talk eneh makeh gree ginar, mite e nor samekine way por nuddah marn or orman por gree. But, dah prapah way por talk eneh showeh sign por nadah marn or orman you gree, e muss be samekine sign all nadah marn or orman sabeh por gree too. Come, yumpla leggo gor through five main rules:

1. Full-gree and Em be Spik

Prapa gree e when dah nuddah marn or orman spik clear-eneh-free-one “wah” por you, eneh e more good sign when em nor be spik “nor”. Gree can come-out lor mout, wasseh

“I gor down lor you ah?”, eneh “e peel mina nice” or mite em nor be spik nuting por you,

em be just come closetoon por you and eyes bor em mutha pass lor eyes bor you.

Ip you tinkbout sumone e gree por you coz em nor be comeout prom you, hall-back prom you or spik “nor”, e nor good excuse. E up to yumpla ebryone por makem, or askeh dempla ip dempla gree por you. Yah e gad sum tips ip you nor sabeh prapa ip dah sumone e wandeh you…

• Askeh dempla! “you wandeh me por keep gor ah?” “Wiskine you peel?” or “You look wasseh you nor wandem – you wandeh stap ah?”
• Wasseh way bor dempla. Ip dempla move prom you, nor wandeh look por you, or way bor em spik por you em nor wandeh you, e sign, em nor gree por you. Kasa check lor em.
• Makeh eazee sumting por you por cum out prom deh, wasseh: “You-me can stap or takem slow-one,” or “you-me can mutha relux eneh yarn”. Ip you inside lor room lor sumbudy, nor lockeh dah door, bepore you nor be askeh dempla ip e right por lockeh dah door.

E nor makem por killeh dah moment, e makem por buildeh trust, den e gor makem mina nadakine nice.

*“Wasseh, waneh more sexy than when you gad partner whoddah cares?”*Meissa Mason, Podcast #2.

1. Gibem Free-one, eneh nor be porce-em bor gibbem

Porce ≠ Gree.

Whether e tusseh-heart pressure, oba-mark ask em, or makem dronk or drugem por makeh-em gree more eazee, dem ting nor real, freely gibbeh pass por gree.

Ip you askeh dempla eneh dempla spik “nor”, or wasseh “I dunno”, or mutha question-em oba-n-oba por makeh em peel guilty, stress em, or try por trickeh-em por sainzeh mind bor em por “gree”, e call sexual coercion. Coercion can sound wasseh:

• “Ip you be lubbeh me, you gor makem”
• “If you nor gor makem, I gor peel obamark horny, I gor can’t sleep”
• “You-me be pinis makeh all nuddah something, e nor big sumting”.
• “You kassah shy”. You-me stayz, den you gor peel dipprent.”
• “Ip you nor makem por me, dah pixar you be sanem come por me lass week, I gor sanem gor por ebrybody.”

Force or bluff nor mean em gree, eneh e mean you be sexually harm em.

Yumpla muss be carepull por undastand dipprent lebel bor power. Wasseh, ip sumone older den you, or siddown lor powerful position, or boss bor you, or coach bor you, or mite makeh you peel wasseh you nor gad mus strong por mutha spik “nor.”

If sumone spik nor por you? Respect em. Nor makeh em peel guilty. Nor mean por makem peel bard. Porce em.

1. Carry-on eneh Same

Gree nor kassah one-time deal or e nor contract por spik em gree por you ebrytime. E nor eazee por ‘geddeh’ pass onetime eneh tinkbout e mean em gibbeh you pass ebrytime.

Juss becoz em spik wah lass night e nor mean em gree yah morning time. Peepol lau por sainzeh mine bor dempla anytime, eneh you muss lau dempla space por make up mine bor dempla, eneh respect dempla mine.

Gree count lor long-time relationships too. You eneh partner bor you nor hap to gree por one-nutha. Wrong thoughts bor you can makeh you tink wrongway, eneh makeh you peget waneh line por nor-cross-em, so dah mina good relationship e come prom where you two mutha yarn por wan-nutha por sabeh waneh gree eneh waneh nor-gree mean.

Wasseh wiskine way peepol act, eneh keep study ways bor em, eben more when you look e come more good or nor-good:

• “E right ah?”
• “You wandeh keep gor or spell?”
• “You wandeh spik por me waneh you wandem?”

Eneh if em sainzeh mind bor em halpway lor sex? Esso em por spik you straight por waneh em peel. Try nor por takem wrong way, wusseh em nor wandeh you, mite em e tyat, or em wandeh takem more slow.

1. Look gor Bygen eneh Tingbout algeddah.

Peepol can onlee gree ip dempla e prapa sabeh waneh dempla gree por. E mean ip dempla e obamark dronk, sleep or nor sabeh prapa, dempla gor can’t gree.

E nor gad mazic number por counteh drinks por makeh gree nor count, but ip em e slurr, stumble, or look/act nadakine, den em gor can’t makeh prapa mine bor em. Eneh if em b spik “wah” before, e nor mean e makem right por you por makeh sumting when em sleep or halp-sleep.

Gad dah right sense por gree or nor gree e also mean someone muss be lor age por gree. Lor Australia, dah age por gree e:

• 16 lor WA, NSW, VIC, QLD eneh NT.
• 17 lor South Australia eneh Tasmania.

Nutha ting, nor ting-bout disable peepol can’t showeh people when em gree, naddah way, helpeh dempla por spik or showem clear one, eneh prapa way. Demkine way e or por makem clear ip em gree or nor gree, wasseh able peepol makem, anytime.

1. Speak Straight eneh undastun

When you spik wah por one sumting, e nor mean you spik wah por ebry-sumting.

When you gree por sumting, you muss spik clear-one eneh explain waneh dah sumting you b gree por, juss becoz someone gree por muck-round lor bed, still gad closs, e nor mean dempla one-gree por take-mout closs eneh gor more.

When someone e gree por umbuck gad condom, e nor mean em gree por umbuck nor gad condom. Eneh gree por one ginar nor mean em gree por sumting em nor b sabeh, wasseh squeezeh neck. (sexual squeezeh neck)

Ebryone gad right por sabeh waneh going-on, eneh por makeh clear decision por mepla body.

Yah e gad ways por helpeh you speak straight:

• “I only right por useh condom.”
• “I nor ready por makeh X, but prapa wandeh do Y.”

Gree e also bout honesty, sly-one (come-out condom when you nor be geddeh pass from partner) e nor mutha cunning, e nuddah sign bor sexual assault lor many states and territories.

Yah e gad waneh you muss keep em lor mind:

1. Gree should makeh you peel wasseh you sabeh you be free-one gree, norbody be porseh you or humbugged.
2. E nor only dozzeh harm, e bout buildeh better, more nice obamark lubleh peelings eneh connections/relationships.
3. E orite ip pass time you askeh em makeh you peel nudakine. Askeh sumting prom sumbody e sumtime hard! But you muss makem.
4. You nor weird or silly por check pass. You strong, respectful eneh caring!